الفرقة الثانية - قسم تكنولوجيا التعليم



هنا يتم نشر جميع المحاضرات الخاصه بالفرقة الثانيه بكلية التربيه النوعيه - قسم تكنولوجيا التعليم
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
أهلا ومرحباَ بكمَ فى موقع ..~ الفرقة الثانية قسم تكنولوجيا التعليم - كلية التربيه النوعية ..~
| شكر واجب | لكل من " أحمد عبد العال و محمد طارىء " على المجهود الرائع الذي يبذلونه من أجل تطوير وتنسيق الموقع للظهور فى أحسن صورة .~
يمكنكم متابعه أخر مواضيع الموقع عن طريق شريط أخر المواضيع الموجود فى مربع اعلانات الموقع .. للحصول على المواضيع الجديده بدول بذل أى جهد .~
يمكن لجميع اعضاء الموقع التحدث مع بعضهم البعض عن طريق علبة الدردشه الموجود أسفل اعلانات الموقع عن طريق الضغط على كلمة دخول الموجوده يسار علبة الدردشه .. .~

شاطر | 
 

 الحلقه االرابعه من سيرة الرسول " صل الله عليه وسلم "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed shehata nagy

avatar

ذكر عدد المساهمات : 59
تاريخ الميلاد : 01/03/1995
تاريخ التسجيل : 18/08/2016
العمر : 22
الموقع : http://tknologia.do-goo.com/
العمل/الترفيه : مصمم .~

مُساهمةموضوع: الحلقه االرابعه من سيرة الرسول " صل الله عليه وسلم "    الثلاثاء أغسطس 23, 2016 12:17 am




مين هتفتكر بقى النبي كان عنده كام بنت وكام ولد؟ واسماءهم ايه؟؟ 

عاوزين منبقاش بنقرا وخلاص لازم نحفظ المعلومات عشان مننساهاش بعد يومين...اللي جاي اصعب وحروب وغزوات واسامي صحابه واعداء وغيره...والاسامي صعبه وتقيله...فلازم نزاكر احنا ياما زاكرنا بس دا اللي هيبقالنا يوم ما نطلب شفاعته صلى الله عليه وسلم 




النبي بقى ٣٥ سنة...كل دا مفيش لا وحي ولا اي حاجه هو شخص عادي...الكعبة كانت من ايام بناء سيدنا اسماعيل ارتفاعها صغير ومن غير سقف وكانت الكنوز اللي جواها بتتسرق...غير كده كانت قدمت اوي والجدران اتشققت وهلكت...وكملت بسيل عارم جه لمكة وكانت هتنهار الكعبه...فقريش قررت تجدد بنائها....واتفقوا ميدخلوش فيها قرش حرام...وميبنيش فيها الا الصالحين اللي اخلاقهم كويسه...المهم انهم كانوا خايفين يهدوها...لحد ما جه الوليد بن المغيرة( نحفظ الاسم) وبدأ يهد ولما الناس لقوه مجرالهوش حاجه جم هدوا معاه...فضلوا يهدوا لحد ما وصلوا للقواعد اللي حطها سيدنا ابراهيم وقرروا يقفوا ويبتدوا يبنوا عليها بقى...قسموا الكعبة اجزاء وخصصوا لكل قبيله جزء وكل قبيله جابت احجارها...الراجل البنا كان اسمه (باقوم)...جم عند الحجر الاسود واختلفوا مين يحطه...دا مكانته كبيره اوي يا ترى انهي قبيله هتاخد الشرف دا !!




تعالوا الاول نطلع برا الموضوع واحكيلكوا عن الحجر الاسود...كنت سألت عنه قبل كده هو ايه وليه مهم...عرفت ان سيدنا ادم لما ربنا طرده من الجنه للارض حس بشوق للجنة ووحشة ليها وحاله ساء جدا... ف ربنا بعتله حجر عشان يستأنس به ويخفف عنه الشوق ده ... المهم الحجر دا كان ابيض ونزل للدنيا واسود من معاصي البشر...الحجر الاسود حجر من الجنة...النبي قال ياقوته من الجنه وان ربنا لو مكنش طمس نوره كان اضاء بين المشرق والمغرب ...حرفياااا حته من الجنة...متخيلين قيمته ومكانته  

نرجع لموضوعنا...فضلوا يتخانقوا مين فيهم اللي يحط الحجر وفضلوا 4 ايام علي كده...لحد ما اقترح (ابا امية بن المغيره) ان يحكم بينهم ف الخناقه دي...عشان كده دي اتسمت قضية التحكيم...المهم قالهم اول واحد يدخل علينا من الباب توافقوا كلكم ان هو اللي يحطه...ومين اول واحد دخل؟؟ 

سيدنا محمد 

كلهم فرحوا وقالوا دا محمد الأمين كلنا راضيين بيه...المهم قالوله طلبهم فطلب منهم رداء وحط الحجر ف نص الرداء وقالهم كل واحد ييجي يمسك طرف من الرداء...عشان كل القبائل تبقى شاركت...ورفعوه لفوق لحد مكانه قام سيدنا محمد واخده بإيده وحطه مكانه...وكل الناس كانت راضيه بالحل اللي هو عمله 

النبي عليه الصلاة والسلام من قبل النبوه وكان بيتسم باخلاق نبي...كان صادق وامين ومهذب وفكره صائب وذكي جدا...ومع ان الحاجات دي مكنتش حرام وقتها الا انه مكنش بيشرب خمره ولا بيحضر الاحتفالات بتاع الاصنام وكانت فطرته اصلا مش قابله فكرة عبادتهم وبينفر منها ويبعد عنها

بس برده ربنا كان محاوطه برعايته وعنايته...ربنا كان مساعده...ازاي؟؟




اي حاجه من دي لو النبي كان فكر يعملها كان ربنا بيمنعه..ازاي؟




حصلت مرتين...اول مره قال لغلام بيرعى الغنم معاه ما تخلي بالك من غنمي انا عاوز اروح اسهر وانبسط زي الشباب...وفعلا مشي لحد ما سمع صوت عزف وغنا فسأل قالوله دا فرح ...فقعد برا يسمع لقى نفسه نام محسش بنفسه غير تاني يوم من حر الشمس....نفس الموقف اتكرر تاني وجرب برده يسمر ويسهر حصله نغس اللي حصله ونام

دليل تاني على ان ربنا محافظ عليه من اي حاجه وحشه او غلط....وقت بناء الكعبه كان النبي وعمه العباس بينقلوا حجاره...فقاله العباس ارفع ازارك...هدومك يعني على رقبتك عشان تحميك من الحجاره...فجه النبي يرفع هدومه...وكانت لسه عورته هتبان...وقع عالارض واغمى عليه...وفاق بيقول ازاري ازاري وشده عليه....ومن يومها محدش شاف عورة النبي ابدا...فيه روايات بتقول ان العباس رأى عورة النبي لحظه بس نظره خاطفه...وروايات انه ملحقش اصلا...المهم ان ربنا كان بيحميه وبيحوطه باللي يمنع عنه اي فعل هيتعارض مع اخلاق الاسلام...




كفاية كده النهارده وبكره بعون الله غار حراء واول وحي

جزيتم الجنة 


 حب النبي 4
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tknologia.do-goo.com/
 
الحلقه االرابعه من سيرة الرسول " صل الله عليه وسلم "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الفرقة الثانية - قسم تكنولوجيا التعليم  :: |• إسلاميــات •| :: |• المنتدى الإسلامى •|-
انتقل الى: