الفرقة الثانية - قسم تكنولوجيا التعليم



هنا يتم نشر جميع المحاضرات الخاصه بالفرقة الثانيه بكلية التربيه النوعيه - قسم تكنولوجيا التعليم
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
أهلا ومرحباَ بكمَ فى موقع ..~ الفرقة الثانية قسم تكنولوجيا التعليم - كلية التربيه النوعية ..~
| شكر واجب | لكل من " أحمد عبد العال و محمد طارىء " على المجهود الرائع الذي يبذلونه من أجل تطوير وتنسيق الموقع للظهور فى أحسن صورة .~
يمكنكم متابعه أخر مواضيع الموقع عن طريق شريط أخر المواضيع الموجود فى مربع اعلانات الموقع .. للحصول على المواضيع الجديده بدول بذل أى جهد .~
يمكن لجميع اعضاء الموقع التحدث مع بعضهم البعض عن طريق علبة الدردشه الموجود أسفل اعلانات الموقع عن طريق الضغط على كلمة دخول الموجوده يسار علبة الدردشه .. .~

شاطر | 
 

 الحلقه ااخامسه من سيرة الرسول " صل الله عليه وسلم "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed shehata nagy

avatar

ذكر عدد المساهمات : 59
تاريخ الميلاد : 01/03/1995
تاريخ التسجيل : 18/08/2016
العمر : 22
الموقع : http://tknologia.do-goo.com/
العمل/الترفيه : مصمم .~

مُساهمةموضوع: الحلقه ااخامسه من سيرة الرسول " صل الله عليه وسلم "    الثلاثاء أغسطس 23, 2016 12:20 am


الحلقة الخامسة من سيرة الرسول صل الله عليه وسلم <3 

تعالوا نصلي عليه 10 مرات الاول [size=1]^_^  [/size]




كان فيه ولد اسمه زيد بن حارثة (احفظوا الاسم دا حلو جدااا) 

زيد كان من قوم اغنيا...ف يوم مامته خدته معاه تزور اهلها واتخطف منها  اللي خطفوه باعوه ف سوق عكاظ...مين بقى اللي اشتراه؟؟ ابن اخو السيده خديجة...كان بيحب عمته جداا فاشتري زيد واداهولها...والسيده خديجة لما اتجوزت سيدنا محمد وهبت زيد ليه يبقى العبد بتاعه ويساعده ويعاونه...طبعا مكنش لسه الاسلام نزل ولا العبودية اتحرمت...بس سيدنا محمد عمره اصلا ما عامله على انه عبد...كان بيعامله زي ولاده بالظبط 

ما تيجوا نصلي عليه كمان 10 مرات  




كان اهل زيد بيدوروا عليه ميأسوش...لحد ما ناس شافوه وراحوا قالوا لاهله احنا لقينا ابنكم وهو دلوقتي عبد ف بيت محمد بن عبد الله...اهله راحوا جري للنبي وقالوله خد فلوسك وهات ابننا...زيد قالهم بس انا مش عاوز اسيبه !! اهله استغربوا جدا وقالوله يعني بتبيع اهلك عشان تبقى عبد هنا...قالهم بس سيدنا محمد عمره ما عاملني على اني عبد دا بيحبني وبيعاملني زي ولاده  سيدنا محمد قاله يا زيد انت حر ف اختيارك...عاوز ترجع مع اهلك ارجع ومش هاخد منهم اي فلوس...عاوز تفضل معايا فانت ابني ومستغناش عنك...رد قاله طبعا مش هرجع وهفضل معاك ومش هسيبك ابدا 




وقتها النبي وقف على صخره قدام الكعبة وقال "يا اهل قريش اشهدوا هذا زيد ابني يرثني وارثه" يعني اتبنااه..وبرده مكنش لسه التبني حرام...ومن يومها بقى اسمه زيد بن محمد  واهله اتطمنوا عليه ورجعوا وهما عارفين انه عايش ف خير وامان مع ابوه بالتبني...بعدها طبعا الاسلام حرم التبني ونزل الامر من ربنا ان كل واحد يتسمى باسم ابوه حتى لو كفالته مع غيره...وفعلا رجع اسمه "زيد بن حارثة" ودا من اوائل اللي اسلموا مع النبي عشان كده اسمه مهم وهيقابلنا قدام تاني ان شاء الله صلوا عليه كمان 10 مرات  

النبي وصل 37 سنة...كان كل رمضان يروح يعتكف ف غار حراء..طبعا وقتها مكنش رمضان لسه رمضان بتاعنا شهر الرحمه...بس سبحان الله ربنا كان بيلهمه انه يعتكف ويتدبر خلق الله ف الشهر دا بالذات...كان اصلا بسبب بعده عن الاصنام ونفوره منهم الناس كانوا بدأوا يتضايقوا منه فهو حب العزله وكده...كان بياخد شوية تمر ومايه ويروح يقعد ف غار حراء اللي ف جبل النور...جبل النور على بعد 2 ميل من مكة...كان يقعد شهر رمضان كله هناك...لو عدى عليه مسكين او محتاج بيأكله معاه...ويقعد يفكر ف الكون ومين اللي خلقه وان مستحيل الاصنام دي تكون الهه بجد....هو كان قلبه مسلم بس مش عارف الطريق...جواه افكار كتير بس مش لاقي مفتاحها

سبحانك يارب عزلته دي كانت من حكمة ربنا عليه عشان يتدبر ف خلق ربنا ويبعد عن الدنيا ومشاغلها وربنا يجهز قلبه وروحه للاسلام والدعوه

الكلام دا استمر 3 سنين كل رمضان يروح يعتكف ف الغار ولما الاكل والمايه يخلصوا ينزل مكه يجيب غيرهم ويرجع...والسيده خديجه عمرها ما زعلت ولا عاتبته انه بيسيبها ويعتكف...سبحان الله 




النبي كمل 40 سنة...بدأت علامات النبوة تبان عليه واول علامة كانت الرؤيا...كان اي حلم يشوفه يتحقق...وفضل 6 شهور على كده...وف تالت رمضان ليه ف العزله والاعتكاف ف غار حراء...نزل سيدنا جبريل بالوحي لأول مره  




يللا نصلي عليه كمان 10 مرات  يللا نعيش اجواء الوحي بقى 




النبي ف الغار...قاعد يتفكر ف الكون...لقى صوت بيقوله اقرأ...متخلين الرعب !! يبص يمين وشمال...الصوت دا جاي منين...رد قال ما انا بقاريء....بس انا مبعرفش اقرا انا امي..الكلام دا كان صوت بس هو مشافش سيدنا جبريل يومها...انما حس بيه...ازاي؟؟؟

لما قال ما انا بقاريء...حس بحاجه بتضمه وبتضغط عليه لدرجة ان ضلوعه هتدخل ف بعضها ومش عارف يتنفس خلاص...يا الله عالخوف اللي حسه Surprised
[size=15] [/size]
المهم سابه...ولقى الصوت تاني بيقوله اقرأ...قاله ما انا بقاريء...مبعرفش اقرا وبعدين اقرا ايه اصلا مفيش لا كتاب ولا حاجه اصلا...النبي كان مرعوب

وتاني حاجه ضمته وضغطت عليه وبعدين سابته



[size=15][size=15] [/size][/size]
وسمغ الصوت بيقول "اقرأ باسم ربك الذي خلق*خلق الإنسان من علق*اقرأ وربك الأكرم"
[size=15][size=15] [/size][/size]
قام النبي جاري  جرررري من الغار على مكة ودخل البيت بيترعشششش وراح للسيدة خديجة الاوضه اتخضت من شكله بتقوله مالك قالها زملوني زملوني...يعني غطوني وفيها معنى كمان اللي هو احضنيني طمنيني...غطوه والسيده خديجه فضلت حضناه لحد ما هدي وقالتله مالك؟؟ حكالها اللي حصل كله وقالها انا خفت على نفسي فجيت جري...قالتله ليه!! ربنا عمره ما يخزيك دا انت امين وصادق وبتساعد المحتاج وبتصل الرحم وتعين على الحق

وخدته وراحت لابن عمها (ورقة بن نوفل) ورقة بن نوفل كان مسيحي وكان شيخ كبير اعمى...السيده خديجه قالتله اسمع محمد هيحكيلك ايه...فحكاله...قام ورقة قايله هذا الناموس الذي نزله الله على موسى...يعني ايه الناموس؟ الناموس يعني ملك الوحي اللي هو سيدنا جبريل

قاله دا نفس اللي نزل لسيدنا موسى...يارب اعيش لليوم اللي قومك يطردوك فيه...النبي قاله قومي هيطردوني!!!!!



[size=15][size=15] [/size][/size]
قاله طبعا مفيش حد جه برسالة ودين زيك الا وقومه عادوه وطردوه...ولو فضلت عايش لليوم دا هقف جمبك وانصرك...بس للاسف ملحقش وبعدها بفتره مات ورقة 
[size=15][size=15] [/size][/size]
بعدها بقى فضل فتره طويله لا حس ولا خبر...الوحي انقطع...طب ايه...النبي حزن جداااااا...قال لنفسه هو انا مجنون! لا انا مش مجنون...طيب فين الوحي؟؟
[size=15][size=15] [/size][/size]
فيه رواية منتشره جدا ان النبي من كتر حزنه فكر كذا مره ينتحر بانه يرمي نفسه من عالجبل...بس دي رواية ضغيفه جدداااا وسندها مش كامل فياريت مش نصدقها لان زي ماحنا عارفين ربنا كان عاصم سيدنا محمد من اي خطأ ممكن يقع فيه البشر...وفكرة انه كان دايما يطلع عالجبل فلانه مستني الوحي زي ما جاله اول مره برده ف جبل...الفتره اللي انقطع فيها الوحي فيه قالوا 6 شهور واتقال 3 سنين ف رواية تانيه عشان كده هي فتره مش معروفه
[size=15][size=15] [/size][/size]
ايه بقى حكمة ربنا من ان الوحي يتأخر؟



[size=15][size=15] [/size][/size]
احنا ناسيين الرعب اللي حصل لسيدنا محمد !! ربنا بحكمته اخر الوحي على ما النبي يكون هدي وخوفه راح وبالعكس بقى هو اللي مستني جبريل بغارغ الصبر
[size=15][size=15] [/size][/size]
الوحي رجع تاني  النبي بيقول كنت ماشي سمعت صوت جاي من السما...ببص فوق ف السما لقيت الملك اللي هو سيدنا جبريل قاعد على كرسي بين السما والارض

رجع برده لاهله يقولهم زملوني زملوني...وهنا نزل ربنا اول ايات سورة المدثر "يا أيها المدثر.....لحد قوله فاهجر"

المدثر هي هي المزمل جايه من زملوني...اللي هو المتغطي الخايف...قوم يا مدثر 
[size=15][size=15] [/size][/size]
ومن اللحظه دي تتابع الوحي ومنقطعش تاني واستمر 23 سنة لحد وفاة النبي عليه الصلاة والسلام




كمان 10 مرات يللا  تعالوا نفهم الوحي كان بيبقى ازاي...كان ب 7 طرق

1 الرؤية او الحلم




2اللي كان بيبثه جبريل ف نفس سيدنا محمد...يعني يحس بالامر واكن حد زرعه جواه

3ان سيدنا جبريل يتمثل في صورة رجل ويتكلم معاه...والصحابه شافوه احيانا وهو متمثل في رجل

4 كان سيدنا جبريل بيتلبسه يعني بيلبسه والنبي يعرق ويتنفض وجسمه يتقل

5 انه يشوف سيدنا جبريل بصورته الحقيقيه اللي ربنا خلقه بيها...ودي حصلت مرتين بس

6 الوحي اللي ربنا اداهوله فوق السماوات ف ليلة الاسراء و المعراج

7 ان ربنا يكلمه من غير واسطه بينهم ودي برده حصلت ليلة الاسراء و المعراج




طولت اوي النهارده اهو زي ما طلبتوا  بس تعبت ومش هطول كده تاني  

ربنا ينولكوا شفاعته 

:*

الحلقه دي مهمه جداا




حب النبي  5
 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tknologia.do-goo.com/
 
الحلقه ااخامسه من سيرة الرسول " صل الله عليه وسلم "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الفرقة الثانية - قسم تكنولوجيا التعليم  :: |• إسلاميــات •| :: |• المنتدى الإسلامى •|-
انتقل الى: