الفرقة الثانية - قسم تكنولوجيا التعليم



هنا يتم نشر جميع المحاضرات الخاصه بالفرقة الثانيه بكلية التربيه النوعيه - قسم تكنولوجيا التعليم
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
أهلا ومرحباَ بكمَ فى موقع ..~ الفرقة الثانية قسم تكنولوجيا التعليم - كلية التربيه النوعية ..~
| شكر واجب | لكل من " أحمد عبد العال و محمد طارىء " على المجهود الرائع الذي يبذلونه من أجل تطوير وتنسيق الموقع للظهور فى أحسن صورة .~
يمكنكم متابعه أخر مواضيع الموقع عن طريق شريط أخر المواضيع الموجود فى مربع اعلانات الموقع .. للحصول على المواضيع الجديده بدول بذل أى جهد .~
يمكن لجميع اعضاء الموقع التحدث مع بعضهم البعض عن طريق علبة الدردشه الموجود أسفل اعلانات الموقع عن طريق الضغط على كلمة دخول الموجوده يسار علبة الدردشه .. .~

شاطر | 
 

 الحلقه العاشره من سيرة الرسول " صل الله عليه وسلم "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed shehata nagy

avatar

ذكر عدد المساهمات : 59
تاريخ الميلاد : 01/03/1995
تاريخ التسجيل : 18/08/2016
العمر : 22
الموقع : http://tknologia.do-goo.com/
العمل/الترفيه : مصمم .~

مُساهمةموضوع: الحلقه العاشره من سيرة الرسول " صل الله عليه وسلم "    الثلاثاء أغسطس 23, 2016 12:39 am


بسم الله الحي الذي لا يموت


صلوا على حبيبنا اللي اتعذب عشانا واتهان وانضرب بالحجاره واتشتم واتسب ورضي بكل دا ف سبيلنا وكان دايما ضحاكا بساما


نيجي للاعتداءات والتعذيب للمسلمين المستضعفين

لو كان راجل عنده مال وتجاره وسمع ابو جهل انه اسلم...كان يجري يهدده ويقوله انه هيوقفله حاله وهيخليه يخسر كل ماله...ومفيش مانع كمان من انه يضربه عشان يأكد عليه المعلومة



سيدنا عثمان بن عفان...كان عمه بيلفه ف حصيرة من اوراق النخيل ويولع تحتها النار

مصعب بن عمير لما أمه عرفت انه اسلم بقت بتجوعه وف الاخر طردته من البيت...مصعب بن عمير كان مبسوط زي ما بيقولوا...اتنقل من الحياة اللي كلها عز لحياة الجوع والذل لدرجة ان فيه تشبيه ان جلده تقشف بقى زي جلد التعبان

بلال



كلنا عارفين قصته...بلال كان عبد عند واحد اسمه أمية بن خلف الجمحي...كان أمية يربطه من رقبته بحبل ويسلمه للعيال يلفوا بيه مكة لدرجة ان رقبته كانت بتفضل معلمة مكان الحبل...وكان بيضربه وبيأمره يفضل قاعد في الحر بتاع الشمس...وكان بيجوعه...ويخرجه ف الصحرا تحت الشمس ويحط صخره على صدره ويقوله هتفضل كده لحد ما تكفر بمحمد او تموت...وبلال يرد الرد الشهير...أحد أحد

لحد ما عدى ابو بكر يوم وشافه وهو بيعذبه واشتراه منه وعتقه.




كان عمار بن ياسر عبد عند بني مخزوم...اسلم هو وابوه وامه...كان المشركين بيعذبوهم ف الصحرا وعلى راسهم ابو جهل...النبي مر عليهم يوم وهما بيتعذبوا وقالهم صبرا آل ياسر فإن موعدكم الجنة

مات فعلا ابوه ياسر من التعذيب...وامه (سمية وشهرتها ام عمار) ابو جهل طعنها ف قلبها واصبحت ام عمار اول شهيده في الاسلام

اما ابنهم عمار فعذبوه شوية بالحجر وهو مولع على جسمه وشوية يرموه ف حر الشمس وشوية يغرقوه ف مايه ويقولوله مش هنسيبك الا لما تشتم محمد او تشكر ف اللات والعزى (اصنامهم يعني)




لحد ما عمل كده فعلا عمار بس وهو مكره...وراح جري يعتذر للنبي انه اضطر يعمل كده فنزل قول ربنا "من كفر بالله من بعد إيمانه إلا من أكره وقلبه مطمئن بالإيمان"

يعني ربنا مسامحه لانه عالم باللي جوا قلبه

كان فيه واحد اسمه افلح وشهرته ابو فكيهة...كان عبد عند بني عبد الدار...كانوا بيربطوه بالحبل ويجروه ف الارض

وكان واحد اسمه خباب بن الأرت عبد عند واحده اسمها ام انمار...كانوا بيعذبوه عذاب بشع ويشدوا شعره لحد ما يقطعوه ويلووله رقبته لحد ما خلاص هتتكسر وينيموه على جمر مولع ويحطوا فوقه حجر كمان عشان ميعرفش يقوم

4 إماء(عبيد ستات يعني) زنيرة والنهدية وبنتها وأم عبيس....برده شافوا الويل من التعذيب...وجارية كمان اسلمت وكان عمر بن الخطاب لسه كافر وقتها...كان بيفضل يضرب فيها يضرب فيها لحد ما ف الاخر سابها وقال انه سابها لانه مل من كتر الضرب فيها

سيدنا ابو بكر اشترى كل الجواري دي واعتقهم...زي ما اشترى بلال وعامر بن فهيرة

احنا بقى اتولدنا لقينا نفسنا مسلمين...يارب نتعظ يارب نعرف قيمة اللي احنا فيه ويارب نتعامل بأخلاق الاسلام ونكون نستاهله.

بسبب الاضطهادات الكتير دي كان الطبيعي ان النبي يطلب من الناس تداري اسلامها...ويبانوا مشركين عادي...لانه شاف اللي بيتعرضوله من تعذيب لما بيعلنوا اسلامهم...فكان بيجتمع بيهم ف السر ويعرفهم تعاليم الدين ف السر...انما هو كان بيدعي للدين ف العلانيه مبيخافش من حد...وكان يقابلهم ف السر فين بقى؟؟ 




في دار الأرقم بن أبي الأرقم المخزومي...بيته كان فوق جبل الصفا بعيد عن عيون المشركين وكان البيت دا مركز لاجتماعات النبي بالمسلمين ف السر

مع العلم ان كان لازم يلاقوا مكان سري لان ف يوم كانوا بيصلوا بين الشعاب وشافهم واحد من المشركين وحصلت خناقة كبيرة ضرب فيها سعد بن أبي وقاص واحد وسال دمه وكان دا اول دم اريق في الاسلام




كفاية كده النهارده عشان ان شاء الله الخلقة الجاية نبدأ في الهجرة الأولى للحبشة

عندنا معلومات كتير واسماء كتير عاوزين نحاول نحفظها على اد ما نقدر او عالاقل الاسماء المهمه



حب النبي 10 


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tknologia.do-goo.com/
 
الحلقه العاشره من سيرة الرسول " صل الله عليه وسلم "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الفرقة الثانية - قسم تكنولوجيا التعليم  :: |• إسلاميــات •| :: |• المنتدى الإسلامى •|-
انتقل الى: