الفرقة الثانية - قسم تكنولوجيا التعليم



هنا يتم نشر جميع المحاضرات الخاصه بالفرقة الثانيه بكلية التربيه النوعيه - قسم تكنولوجيا التعليم
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
أهلا ومرحباَ بكمَ فى موقع ..~ الفرقة الثانية قسم تكنولوجيا التعليم - كلية التربيه النوعية ..~
| شكر واجب | لكل من " أحمد عبد العال و محمد طارىء " على المجهود الرائع الذي يبذلونه من أجل تطوير وتنسيق الموقع للظهور فى أحسن صورة .~
يمكنكم متابعه أخر مواضيع الموقع عن طريق شريط أخر المواضيع الموجود فى مربع اعلانات الموقع .. للحصول على المواضيع الجديده بدول بذل أى جهد .~
يمكن لجميع اعضاء الموقع التحدث مع بعضهم البعض عن طريق علبة الدردشه الموجود أسفل اعلانات الموقع عن طريق الضغط على كلمة دخول الموجوده يسار علبة الدردشه .. .~

شاطر | 
 

 الحلقه الـ 12 من سيرة الرسول " صل الله عليه وسلم "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmed shehata nagy

avatar

ذكر عدد المساهمات : 59
تاريخ الميلاد : 01/03/1995
تاريخ التسجيل : 18/08/2016
العمر : 22
الموقع : http://tknologia.do-goo.com/
العمل/الترفيه : مصمم .~

مُساهمةموضوع: الحلقه الـ 12 من سيرة الرسول " صل الله عليه وسلم "    الثلاثاء أغسطس 23, 2016 12:45 am


نبدأ بقى



جينا لتاني هجرة للحبشة اللي أمر بيها النبي...طيب ايه قريش هتسيبهم كده !! لا طبعا مش هتسيبهم ف حالهم...حاولت ترجعهم تاني لمكة...بس ازاي؟؟؟

بعتوا اتنين رجالة (عمرو بن العاص) و(عبدالله بن ابي ربيعة) وكانوا لسه كفار مأسلموش تمام؟؟

بعتوهم للنجاشي ملك الحبشه وبعتوله معاهم هدايا كتير ليه ولبطارقته(رجال الدين المسيحيين) البطارقه فرحوا بالهدايا وقعدوا سمعولهم وبعدين خدوهم للنجاشي ادوله الهدايا بتاعته وبعدين قالوله:




اللي جم عندك دول شوية ناس مش كويسين لا هما بيتبعوا دينا ولا حتى دينك ومش بيحترموك جايين يقعدوا ف بلدك وهما على دين غير دينك...فاطردهم من عندك ورجعهم لينا مكه احنا اولى بيهم ونعرف نتصرف معاهم




البطارقه طبعا عشان خدوا الرشوه اللي هي الهدايا...قالوله مظبوط يا نجاشي رجعهم معاهم ملناش دعوه بيهم دول لا اهلنا ولا من ديننا

بس النجاشي كان راجل عادل زي ما قلنا...قال لازم اسمع من الطرفين وفعلا بعت للمسلمين ييجوا ويتكلموا...مين اللي كان بيتكلم باسم المسلمين؟؟ جعفر بن أبي طالب

مين جعفر بن ابي طالب؟؟ دا ابن عم النبي...اخو علي ابن ابي طالب...تعالوا كده نشوف الاسره...(ابو طالب عم النبي اتجوز فاطمة بنت أسد ودي اسلمت وهاجرت للمدينة وماتت فيها...وخلفوا مين بقى؟؟ طالب وعقيل وجعفر وعلي...وبين كل واحد والتاني عشر سنين...سيدنا علي بن ابي طالب كان اصغرهم)

نرررررجع لموضوعنا...النجاشي قال للمسلمين كلموني عن دينكم دا اللي لا بتتبعوا فيه دين اهلكم ولا ديني

رد جعفر بن ابي طالب رد تحففففه شرح فيه باختصار ايه هو الاسلام...قاله احنا كنا قوم جاهليه بنعبد اصنام لا بتنفع ولا بتضر وبنعمل فواحش وبنأذي الجار وبنعادي بعض وبنقطع الرحم و و و و....وجه الاسلام علمنا نصل الرحم ونود جارنا ونبعد عن الفواحش والاذيه ونأدي الامانه ونقول الحق وننصر بعض والاهم من كل دا نعبد اله واحد هو اللي امرنا بكل الكلام الجميل دا

محمد جالنا بالرساله دي وصدقناه وآمنا بيه...وكنا بنعبد ربنا بنعمل الحلال ونبعد عن الحرام بس اهل قريش لا سابونا ف حالنا ولا رحمونا وعذبونا لحد ما اضطرينا نهرب لعندك هنا نتحامى فيك ومتعشمين انك متظلمناش زيهم.




النجاشي قاله انت حافظ حاجه من كلام ربك اللي بتقول عليه؟ جعفر قاله اه وبدأ يقول في سورة مريم...فبكى النجاشي وقال للبطارقه بتوعه...الكلام دا والكلام اللي نزل على عيسى من رب واحد...وقال لعمرو بن العاص وعبدالله بن ابي ربيعه روحوا انا مش هسلمكم حد وقال لجعفر انت والمسلمين اللي معاك في امان في ارضي ومحدش هيقدر يأذيكم



عدى يوم ورجع عمرو بن العاص للنجاشي وقاله طيب اسألهم وشوف بيقولوا ايه عن عيسى النبي بتاعك...بيحاول يوقع بينهم

فبعتلهم النجاشي وجابهم وقالهم كلموني عن عيسى ف دينكم




فرد جعفر احنا نعرف عنه اللي النبي محمد قالهولنا...عيسى نبي وعبد لربنا وروحه وكلمة القاها لمريم البتول

قالهم صدقتوا وان عيسى نفسه قال ان فيه نبي هييجي بعده ووصانا نؤمن بيه...وقال للمسلمين انتوا برده ف امان ف ارضي ويبقى حد يفكر يقرب منكم وانا هدفعه التمن...وقال للبطارقه رجعولهم الهدايا بتاعتهم انا مش هاخد رشوة عشان اظلم حد اتحامى فيا...وفعلا رجع عمرو بن العاص وعبدالله بن ابي ربيعه وشهم اسود زي ما بيقولوا

طيب هو النجاشي كده اسلم ولا لا؟؟ مفيش رواية صريحة عن اسلامه بس اغلب الظن اه لان النبي صلى عليه صلاة الغائب لما مات

المهم...خطة قريش الجديده فشلت...يعملوا ايه يعملوا ايه!! يروحوا لابو طالب تاني...ما هو اللي حايشهم عن محمد...بس المره دي مكلمهوش بهدوء زي المره اللي فاتت...المره دي هددوه

راحوا قالوله يابو طالب انت سنك كبير وراجل ليك شرف ومهم عندنا واحنا احترمناك وجينا اشتكينالك من محمد ومعملتش حاجه...هنقولهالك تاني يا ترجع محمد عن اللي هو فيه...يا المره دي مش هنسكتله ولا نسكتلك!!!!!!




الكلام كان تقيل اوي على ابو طالب...بعت لسيدنا محمد وقاله حصل كذا كذا...متحملنيش فوق طاقتي يا محمد

سيدنا محمد زعل وافتكر ان عمه خالص اتخاذل عن حمايته...وقاله والله يا عمي لو خيروني انهم يحطولي القمر ف يميني والشمس ف شمالي بس اسيب الدعوه برده مش هسيبها...وقام بكى حبيبي محمد بكى وصعب عليه نفسه وقام يمشي...نده عليه ابو طالب وقاله خلاص يا محمد...كمل ف دعوتك انا برده معاك مش هسيبك



مفيش فايده قريش لقت ان ابو طالب بررررده معملش حاجه وبرده محمد مكمل ف الدعوه...ففكروا ف حاجه جديده بقى

فاكرين الوليد بن المغيره؟؟ جابوا ابنه اللي هو عمارة بن الوليد بن المغيرة وراحوا لابو طالب وقالوله تبدل؟



اه والله كانوا من السفاهه انهم يعملوا كده

قالوله دا شاب قوي وشديد وهينفعك...خده ليك واعتبره ابنك وادينا محمد اللي عامل مشاكل دا نقتله...واهو راجل قصاد راجل

ابو طالب قالهم نعم !!!




يعني انتوا تدوني ابنكم اربيه وائكله واصرف عليه واكبره وانا اديكم ابني تموتوه!!! لا دا ظلم ومستحيل يحصل

قالوله انت مش ملاحظ ان كل ما نلاقيلك حل ترفضه! انت مش عاوز تساعدنا

قالهم كل اللي بتقولوه فيه ظلم وانا مش هساعدكم واللي عايزين تعملوه اعملوه

كل موقف لابو طالب بيحزني اكتر انه مات كافر 

فعلا انك لا تهدي من احببت


اللهم هون عليه حر جهنم ونار جهنم


خلصنا النهارده

صلوا على سيدنا وسيدكم وسيد الخلق اجمعين



حب النبي 12 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tknologia.do-goo.com/
 
الحلقه الـ 12 من سيرة الرسول " صل الله عليه وسلم "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الفرقة الثانية - قسم تكنولوجيا التعليم  :: |• إسلاميــات •| :: |• المنتدى الإسلامى •|-
انتقل الى: